ਪਿਛੋਂ ਵਰ੍ਹੇ ਦੀ ਉਡੀਕ ਆਇਆ ਚਾਵਾਂ ਵਾਲਾ ਦਿਨ, ਭੈਣ ਨੂੰ ਤੂੰ ਦੇਵੀਂ ਨਾ ਭੁਲਾ ਵੀਰਿਆ… ਰੀਝਾਂ ਨਾਲ ਬੰਨਾ ਤੇਰੇ ਗੁੱਟ ਉੱਤੇ ਰੱਖੜੀ ਮੈਂ, ਹਾੜਾ ਕਦੇ ਦੇਵੀਂ ਨਾ ਰੁਲਾ ਵੀਰਿਆ…
ਤਾਂ ਉੱਤੇ ਮਹਿੰਦੀਆਂ ਦਾ ਵੀਹਣੀ ਵਿੱਚ ਚੂੜੀਆਂ ਦਾ, ਕੁੜੀਆਂ ਨੂੰ ਹੁੰਦਾ ਬੜਾ ਚਾਅ ਵੇ…. ਕਦੇ ਕਦੇ ਮੰਗ ਲਵਾਂ ਸੂਟ ਸੂਹੇ ਰੰਗ ਦਾ , ਐਂਵੇ ਮੱਥੇ ਤੀੜੀਆਂ ਨਾ ਪਾ ਵੇ… ਜਾਗਦੇ ਨੇ ਨਿੱਕੇ ਨਿੱਕੇ ਨੈਣੀਂ ਕਿੰਨੇ ਸੁਫ਼ਨੇ ਵੇ, ਦਬਕ ਕੇ ਦੇਵੀਂ ਨਾ ਸੁਲਾ ਵੀਰਿਆ… ਰੀਝਾਂ ਨਾਲ ਬੰਨਾ ਤੇਰੇ ਗੁੱਟ ਉੱਤੇ ਰੱਖੜੀ ਮੈਂ ਹਾੜਾ ਕਦੇ ਦੇਵੀਂ ਨਾ ਰੁਲਾ ਵੀਰਿਆ….
ਅਸਾਂ ਪਰਦੇਸਨਾਂ ਨੇ ਕਿਹੜਾ ਤੇਰੇ ਵਿਹੜੇ ਵਿਚ, ਉਮਰਾਂ ਨੇ ਵੀਰਿਆ ਹੰਡਾਉਣੀਆਂ… ਖੇਡ ਦਾ ਰਹੀਂ ਵੇ ਮੇਰੀ ਗੁੱਡੀਆਂ ਨਾ ਰੱਜ ਰੰਜ, ਅਸਾਂ ਕਿਹੜਾ ਡੋਲੀ ਵਿੱਚ ਪਾਉਣੀਆਂ…. ਲੜ ਪਵਾਂ ਕਦੇ ਮੈਂ ਜੌਂ ਨਿੱਕੀ ਨਿੱਕੀ ਗੱਲ ਤੇ ਤਾਂ, ਬੋਲ ਕੌੜੇ ਦੇਵੀਂ ਨਾ ਸੁਣਾ ਵੀਰਿਆ… ਰੀਝਾਂ ਨਾਲ ਬੰਨਾ ਤੇਰੇ ਗੁੱਟ ਉੱਤੇ ਰੱਖੜੀ ਮੈਂ,
ਹਾੜਾ ਕਦੇ ਦੇਵੀਂ ਨਾ ਰੁਲਾ ਵੀਰਿਆ….
ਸਾਂਭ ਸਾਂਭ ਰੱਖਿਆ ਏ ਸਿਰ ਉੱਤੇ ਵੀਰਾ ਵੇ ਮੈਂ
ਘਰ ਦੀਆਂ ਇੱਜਤਾਂ ਦਾ ਤਾਜ ਵੇ,
ਪੜ੍ਹ ਪੜ੍ਹ ਜਿਹਨੂੰ ਵੇ ਮੈਂ ਦੁਨੀਆਂ ਨੂੰ ਜਿੱਤ ਲਵਾਂ,
ਜੋੜਦੀ ਕਿਤਾਬਾਂ ਵਾਲਾ ਦਾਜ ਵੇ….
ਬਾਪੂ ਜੀ ਦੀ ਲਾਡਲੀ ਤੇ ਤੇਰੀ ਲਾਡੋ ਭੈਣ ਉੱਤੇ… ਮਾਣ ਬੜਾ ਕਰਦੀ ਏ ਮਾਂ ਵੀਰਿਆ… ਰੀਝਾਂ ਨਾਲ ਬੰਨਾ ਤੇਰੇ ਗੁੱਟ ਉੱਤੇ ਰੱਖੜੀ ਮੈਂ, ਹਾੜਾ ਕਦੇ ਦੇਵੀਂ ਨਾ ਰੁਲਾ ਵੀਰਿਆ….
0 CommentsLeave a comment